വാര്‍ത്തകള്‍

പഠിക്കും… നല്ലോണം പഠിക്കും, പരീക്ഷയെഴുതി മാര്‍ക്കും ബാങ്ങണം. വെങ്ങപ്പള്ളി പഞ്ചായത്തിലെ ഓടമ്പം പൊയില്‍ കോളനിയിലെ കറുപ്പി അമ്മ പഠിക്കാന്‍ തയ്യാറെടുക്കുതിന്റെ ആവേശത്തിലാണ്. ആദിവാസി സാക്ഷരത മൂന്നാംഘട്ട സര്‍വേ വിവര ശേഖരണത്തിന്റെ ജില്ലാതല ഉദ്ഘാടനത്തിലാണ് പ്രായം എണ്‍പതിനടുത്ത കറുപ്പി അമ്മയും അക്ഷര മധുരം നുണയാന്‍ തയ്യാറായത്. കോളനിയിലെ അമ്മിണിയും ശാരദയുമെല്ലാം ഇതേ ആവേശത്തിലാണ്. ഇവിടെ മാത്രം 50 പേര്‍ പുതുതായി സാക്ഷരരാവാന്‍ എത്തി. സി.കെ.ശശീന്ദ്രന്‍ എം.എല്‍.എയില്‍ നിന്നും കറുപ്പി അമ്മ സര്‍വേ ഫോറം കൈപ്പറ്റി. രണ്ട് ഘട്ടങ്ങളിലും സാക്ഷരരാകാന്‍

2020 ഏപ്രില്‍ 18ന് അട്ടപ്പാടിയെ സമ്പൂര്‍ണ സാക്ഷരതനേടുന്ന രാജ്യത്തെ ആദ്യ ആദിവാസി ബ്ലോക്കാക്കി മാറ്റാനുള്ള സാക്ഷരതാമിഷന്‍ ഉദ്യമത്തില്‍ പങ്കാളിയായി നടന്‍ പൃഥിരാജ്. അട്ടപ്പാടിയില്‍ അവശേഷിക്കുന്ന മുഴുവന്‍ നിരക്ഷരരേയും കണ്ടെത്തുന്നതിനുള്ള സര്‍വേ അദ്ദേഹം ഉദ്ഘാടനം ചെയ്തു. അഗളി കാവുണ്ടിക്കല്ലില്‍ വയലൂര്‍ ഊരിലെ മരുതി നഞ്ചനില്‍ നിന്ന് വിവരങ്ങള്‍ തേടിയാണ് ഉദ്ഘാടനം നിര്‍വഹിച്ചത്. 2016 ഡിസംബറിലാണ് അട്ടപ്പാടിയില്‍ പ്രത്യേക സാക്ഷരതാ തുല്യതാ പരിപാടിയ്ക്ക് സാക്ഷരതാമിഷന്‍ തുടക്കം കുറിച്ചത്. അട്ടപ്പാടി ബ്ലോക്കിലെ മൂന്ന് ഗ്രാമപഞ്ചായത്തുകളായ അഗളി, ഷോളയൂര്‍, പുത്തൂര്‍ എന്നിവിടങ്ങളിലെ മൊത്തം

”നന്നായി പഠിച്ചു, പരീക്ഷയും നന്നായിട്ടെഴുതും, പഠനത്തിന് പ്രായം ഒരു തടസ്സമേയല്ല” – സാക്ഷരതാ ചോദ്യപേപ്പര്‍ ഹൃദയത്തില്‍ ചേര്‍ത്തുപിടിച്ചുള്ള എണ്‍പത്തിയഞ്ചുകാരി സുമതിയമ്മാളുടെ വാക്കുകളില്‍ ആത്മവിശ്വാസത്തിന് അതിരില്ല. നഷ്ടമായെന്ന് കരുതിയ അറിവിന്റെ ലോകം തിരികെ ലഭിച്ച ആഹ്ലാദം പുഞ്ചക്കരി വലിയകുന്നുമ്പുറത്ത് വീട്ടില്‍ സുമതിയമ്മാളെ പോലെ തന്നെ നഗരത്തില്‍ ഇന്നലെ സാക്ഷരതാ പരീക്ഷയായ മികവുത്സവത്തില്‍ പങ്കെടുക്കാനെത്തിയ നിരവധിപേരുടെ മുഖത്ത് പ്രകടം. തൃക്കണ്ണാപുരത്ത് എബ്രഹാം മെമ്മോറിയല്‍ യൂണിയന്‍ ലൈബ്രററിയില്‍ മികവുത്സവത്തില്‍ പങ്കെടുത്ത എണ്‍പത്തിമൂന്നുകാരി സുഭദ്രാമ്മ സാക്ഷരതയും കടന്ന് തുല്യതാ കോഴ്‌സുകളും പാസാകുമെന്ന വാശിയിലാണ്.

സ്ത്രീകളുടെ ജീവിത തൊഴില്‍- സാഹചര്യങ്ങള്‍ മെച്ചപ്പെടുത്താന്‍ സംസ്ഥാനത്തെ മുഴുവന്‍ കുടുംബശ്രീ വനിതകളെയും പത്താംതരം, ഹയര്‍ സെക്കന്‍ഡറി യോഗ്യതയുള്ളവരാക്കി മാറ്റുന്നു. സാക്ഷരതാമിഷന്റെ നേതൃത്വത്തില്‍ കുടുംബശ്രീ മിഷന്റെ സഹകരണത്തോടെ തയ്യാറാക്കിയ ‘സമ’ പദ്ധതിയില്‍ ക്ലാസുകള്‍ ജനുവരിയില്‍ ആരംഭിക്കും. സംസ്ഥാനത്തെ 1000 തദ്ദേശസ്വയംഭരണ സ്ഥാപനങ്ങളിലാണ് പദ്ധതി നടപ്പിലാക്കുക (കേരളത്തില്‍ മൊത്തം 1200 തദ്ദേശസ്വയംഭരണ സ്ഥാപനങ്ങളാണുള്ളത്). പഞ്ചായത്തുകളിലും മുന്‍സിപ്പാലിറ്റികളിലും കോര്‍പ്പറേഷനുകളിലുമായി 50 സ്ത്രീകള്‍ പഠിതാക്കളായുള്ള ഓരോ പത്താംതരം, ഹയര്‍സെക്കന്‍ഡറി തുല്യതാ ബാച്ചുകളാണ് ആരംഭിക്കുന്നത്. മൊത്തം ഒരു ലക്ഷം പഠിതാക്കള്‍ പദ്ധതിയുടെ ഭാഗമായി ക്ലാസുകളിലെത്തും.

സാക്ഷരതാമിഷന്‍ വയനാട് ജില്ലയില്‍ നടപ്പിലാക്കിവരുന്ന പ്രത്യേക ആദിവാസി സാക്ഷരതാ പദ്ധതി രണ്ടാംഘട്ട പരീക്ഷയില്‍ മൊത്തം 2993 പേര്‍ വിജയിച്ചു. വിജയശതമാനം 98.9. വിജയിച്ചവരില്‍ ഭൂരിഭാഗവും സ്ത്രീകളാണ്. 2285 പേര്‍. മൊത്തം 3090 പേരാണ് പരീക്ഷ എഴുതിയത്. മാനന്തവാടി നഗരസഭയിലെ പടച്ചിക്കുന്ന് കോളനിയിലെ 85-കാരി കെമ്പിയാണ് വിജയിച്ചവരില്‍ ഏറ്റവും പ്രായം കൂടിയത്. മുപ്പൈനാട് ഗ്രാമപഞ്ചായത്തിലെ വെള്ളരി കോളനിയിലെ 18-കാരി ശാന്തയാണ് ഏറ്റവും പ്രായം കുറഞ്ഞത്. കല്‍പ്പറ്റ ബ്ലോക്കിലാണ് ഏറ്റവും കൂടുതല്‍ പേര്‍ വിജയിച്ചത്. 812 പേര്‍. വായന, എഴുത്ത്,

തിരുവനന്തപുരം: 90- കളിലെ സാക്ഷരതായജ്ഞത്തിനു ശേഷം കേരളം ഒരുങ്ങുന്നു, മറ്റൊരു ചരിത്ര നേട്ടത്തിന് സാക്ഷ്യം വഹിക്കാന്‍. ഊരുകളില്‍ അക്ഷരവെളിച്ചമെത്തിച്ച് ആദിവാസി വിഭാഗത്തെ പരിപൂര്‍ണ സാക്ഷരതയിലേക്ക് എത്തിക്കാനുള്ള സാക്ഷരതാമിഷന്‍ യജ്ഞം അട്ടപ്പാടിയില്‍ ഫലപ്രാപ്തിയിലേക്ക്. 2020 ജൂണില്‍ അട്ടപ്പാടിയെ സമ്പൂര്‍ണ സാക്ഷരതാ ബ്ലോക്കായി പ്രഖ്യാപിക്കവാനുള്ള തീവ്രയത്‌ന പരിപാടികളിലാണ് സാക്ഷരതാമിഷന്‍. ഇതോടെ രാജ്യത്ത്്് സമ്പൂര്‍ണ സാക്ഷരത നേടുന്ന ഇന്ത്യയിലെ ആദ്യ ആദിവാസി ബ്ലോക്കെന്ന ഖ്യാതി അട്ടപ്പാടിയ്ക്ക്് സ്വന്തം. യുനെസ്‌കോ മാനദണ്ഡം അനുസരിച്ച് ഒരു പ്രദേശം 90 ശതമാനത്തിനുമേല്‍ സാക്ഷരത നേടിയാല്‍ ആ

തിരുവനന്തപുരം: അനൗപചാരിക വിദ്യാഭ്യാസത്തിലെ കേരള മോഡല്‍ ഇനി രാജ്യമെമ്പാടും വ്യാപിക്കും. കേരളത്തില്‍ നടപ്പിലാക്കിവരുന്ന അനൗപചാരിക പ്രവര്‍ത്തനങ്ങള്‍ മാതൃകയാക്കി രാജ്യമെമ്പാടും വ്യാപിപ്പിക്കാന്‍ ദേശീയ സാക്ഷരതാമിഷന്‍ അതോറിറ്റി തീരുമാനം. കേരളത്തിലെ സാക്ഷരതാ തുടര്‍വിദ്യാഭ്യാസം മാതൃകയാണെന്നും ഇവിടത്തെ പ്രവര്‍ത്തനങ്ങള്‍ വിശദമായി മനസ്സിലാക്കാന്‍ താല്്പര്യമുണ്ടെന്നും കാട്ടി കേന്ദ്ര മാനവ വിഭവശേഷി മന്ത്രാലയം സംസ്ഥാന സാക്ഷരതാമിഷന്‍ അതോറിറ്റി ഡയറക്ടര്‍ ഡോ.പി.എസ്.ശ്രീകലയ്ക്ക് കത്തയച്ചു. ലോക സാക്ഷരതാദിനത്തോടനുബന്ധിച്ച് ഈ മാസം 7ന് ഡല്‍ഹിയിലെ അംബേദ്ക്കര്‍ ഇന്റര്‍നാഷണല്‍ സെന്ററില്‍ നടക്കുന്ന പ്രത്യേക സാക്ഷരതാ പരിപാടിയില്‍ പങ്കെടുത്ത് കേരളത്തില്‍ നടപ്പിലാക്കിവരുന്ന

മലയാളികളില്‍ പലര്‍ക്കും മലയാളം പഠിക്കാനുള്ള താല്‍പര്യം കുറഞ്ഞുവരുമ്പോള്‍ ഇക്കാര്യത്തില്‍ ഇതാ മറുനാട്ടുകാര്‍ ആവേശത്തോടെ മുന്നോട്ട്. മറുനാടന്‍ തൊഴിലാളികളെ മലയാളം പഠിപ്പിക്കുന്ന സാക്ഷരതാമിഷന്റെ ‘ചങ്ങാതി’ പദ്ധതിയുടെ രണ്ടാംഘട്ടമാണ് മറുനാടന്‍ തൊഴിലാളികളുടെ പങ്കാളിത്തം കൊണ്ട് ശ്രദ്ധേയമാകുന്നത്. ഒന്നാംഘട്ടത്തില്‍ ബംഗാള്‍, ബിഹാര്‍, ഒഡീഷ സംസ്ഥാനക്കാരായിരുന്നു മലയാളം പഠിക്കാനെത്തിയതെങ്കില്‍ രണ്ടാംഘട്ടത്തില്‍ സ്ഥിതി ബഹുദൂരം മുന്നിലാണ്. ഇന്ത്യയിലെ 17 സംസ്ഥാനങ്ങളില്‍ നിന്നുള്ളവരെ കൂടാതെ അയല്‍ രാജ്യമായ നേപ്പാളില്‍ നിന്നുള്ളവര്‍ പോലും മലയാളം പഠിക്കാന്‍ താല്പര്യം പ്രകടിപ്പിച്ച് രംഗത്തെത്തിയതാണ് ഏറെ ശ്രദ്ധേയം. മൊത്തം 2886 പേരാണ്

തിരുവനന്തപുരം: സംസ്ഥാന സാക്ഷരതാമിഷന്‍ പുരാരേഖ വകുപ്പുമായി സഹകരിച്ച് സംസ്ഥാനത്ത് നടത്തിയ പുരാരേഖ സര്‍വേയില്‍ കണ്ടെത്തിയത് മൊത്തം 1,42921 പുരാരേഖകള്‍. 5000 വര്‍ഷം പഴക്കമുള്ള ഓട്ടുകാലണ മുതല്‍ 100 വര്‍ഷം പഴക്കമുള്ള മെതിയടിവരെ ഇതില്‍ ഉള്‍പ്പെടുന്നു. ആകെ 37901 താളിയോലകളാണ് സര്‍വേയിലൂടെ കണ്ടെത്തിയത്. ജാതകം, ഗ്രന്ഥങ്ങള്‍, വിഷചികിത്സ, ആയൂര്‍വേദം, മന്ത്രങ്ങള്‍, മതഗ്രന്ഥങ്ങള്‍ എന്നീ ഇനങ്ങളിലുള്ള താളിയോലകളാണ് പ്രധാനമായും കണ്ടെïത്തിയത്. കണ്ടെത്തിയ താളിയോലകളുടെ കണക്കുകള്‍ ഇപ്രകാരമാണ്. 25-100 വര്‍ഷം പഴക്കമുള്ള 25287, 101-500 വര്‍ഷം പഴക്കമുള്ള 4583, 500 വര്‍ഷത്തിന്

കൊച്ചി: മലയാളികളില്‍ പലരും മലയാളത്തെ ഉപേക്ഷിക്കുമ്പോള്‍ എണ്‍പതുകാരിയായ ഓസ്‌ട്രേലിയക്കാരി കാതറിന്‍, നമ്മുടെ ഭാഷയെയും സംസ്‌കാരത്തെയും കുറിച്ചു പഠിക്കാന്‍ വേണ്ടി മാത്രം കേരളത്തില്‍ കഴിയുന്നു. കഴിഞ്ഞ 2019 ജനുവരി മുതല്‍ മൂന്നു മാസം അവര്‍ കേരളത്തിലുണ്ടായിരുന്നു. വിസയുടെ കാലാവധി കഴിഞ്ഞതിനാല്‍ പിന്നെ സിങ്കപ്പൂരില്‍ മകന്റെയടുത്തേക്കു പോയി. വൈകാതെ വിസ പുതുക്കി മടങ്ങിയെത്തി. മലയാളം പഠിച്ചെടുക്കാന്‍ വേണ്ടി മാത്രം. ആയുര്‍വേദ ചികിത്സയ്ക്ക് കേരളത്തിലെത്തിയതാണവര്‍, തന്റെ നാട്ടിലെ യാത്രാ സംഘത്തോടൊപ്പം ചികിത്സ കഴിഞ്ഞ് ചെറായി ബീച്ച് കാണാന്‍ വന്നു. അതിനകം ആയര്‍വേദവും