ഡിജിറ്റൽ സാക്ഷരതാ പരിപാടി ഇ-മുറ്റം: സംസ്ഥാനതല ഉദ്ഘാടനം

കേരളത്തെ ഡിജിറ്റൽ സാക്ഷരത കൈവരിക്കുന്ന സംസ്ഥാനമാക്കി മാറ്റുക എന്ന ലക്ഷ്യത്തോടെ കേരള സർക്കാർ പൊതുവിദ്യാഭ്യാസ വകുപ്പ് ,കേരള സംസ്ഥാന സാക്ഷരതാമിഷൻ അതോറിറ്റി, കൈറ്റ് കേരള എന്നിവയുടെ സംയുക്ത ആഭിമുഖ്യത്തിൽ നടപ്പിലാക്കുന്ന ഡിജിറ്റൽ സാക്ഷരതാ പരിപാടിയാണ് ഇ-മുറ്റം. സംസ്ഥാനതല ഉദ്ഘാടനം കണ്ണൂർ ജില്ലയിലെ കതിരൂർ ഗ്രാമപഞ്ചായത്തിൽ 2023 ഏപ്രിൽ 11ന് വൈകിട്ട് 5ന് ബഹു.വിദ്യാഭ്യാസവും തൊഴിലും വകുപ്പ് മന്ത്രി ശ്രീ.വി.ശിവൻകുട്ടി ഉദ്ഘാടനം ചെയ്തു.കാസർഗോഡ് ജില്ലയിലെ പീലിക്കോട്, കണ്ണൂർ ജില്ലയിലെ കതിരൂർ, വയനാട് ജില്ലയിലെ കൽപ്പറ്റ മുനിസിപ്പാലിറ്റി, കോഴിക്കോട് ജില്ലയിലെ ഒളവണ്ണ, മലപ്പുറം ജില്ലയിലെ ആലിപ്പറമ്പ്, പാലക്കാട് ജില്ലയിലെ മരുതറോഡ്, തൃശ്ശൂർ ജില്ലയിലെ എളവള്ളി,എറണാകുളം ജില്ലയിലെ ശ്രീമൂലനഗരം, ഇടുക്കി ജില്ലയിലെ വാഴത്തോപ്പ്, കോട്ടയം ജില്ലയിലെ തൃക്കൊടിത്താനം, ആലപ്പുഴ ജില്ലയിലെ മാരാരിക്കുളം തെക്ക്,പത്തനംതിട്ട ജില്ലയിലെ ഇരവിപേരൂർ, കൊല്ലം ജില്ലയിലെ പത്തനാപുരം, തിരുവനന്തപുരം ജില്ലയിലെ തൊളിക്കോട് എന്നീ തദ്ദേശസ്വയംഭരണ സ്ഥാപനങ്ങളിലാണ് ആദ്യഘട്ടത്തിൽ പദ്ധതി നടപ്പാക്കുന്നത്.