വാര്‍ത്തകള്‍

വയനാട് ആദിവാസി സാക്ഷരതാപദ്ധതി രണ്ടാംഘട്ടം പരീക്ഷ ആഘോഷമാക്കി ജില്ലയിലെ ഊരുകള്‍. പരീക്ഷയെഴുതിയതില്‍ 2590 പേര്‍ സ്ത്രീകളാണ്. 589 പുരുഷന്മാരും. ജില്ലയിലെ 200 ഊരുകളിലാണ് രണ്ടാംഘട്ടത്തില്‍ സാക്ഷരതാ പദ്ധതി നടപ്പാക്കിയത്. കല്‍പറ്റ നഗരസഭയിലെ നെടുനിലം കോളനിയിലെ 92 വയസ്സുകാരി വെള്ളച്ചി മുതല്‍ അമ്പലവയല്‍ പുല്‍പ്പാടിക്കുന്ന് കോളനിയിലെ 16-കാരി അമ്മു ഉള്‍പ്പെടെ മൊത്തം 3179 പേരാണ് ഇത്തവണ അക്ഷരവെളിച്ചത്തിലെത്തിയത്. മുട്ടില്‍ ഗ്രാമപഞ്ചായത്തിലെ ചുള്ളിമൂല കോളനിയില്‍ സി.കെ.ശശീന്ദ്രന്‍ എം.എല്‍.എ പരീക്ഷയുടെ ജില്ലാതല ഉദ്ഘാടനം നിര്‍വഹിച്ചു. എഴുത്തുപരീക്ഷയും വായനപരീക്ഷയും കണക്കു പരീക്ഷയും നടന്നു.

തിരുവനന്തപുരം: തെറ്റില്ലാതെ മലയാളം, ഇംഗ്ലീഷ്, ഹിന്ദി ഭാഷകള്‍ അനായാസം കൈകാര്യം ചെയ്യാന്‍ പഠിപ്പിക്കുന്നതിനായി സംസ്ഥാന സാക്ഷരതാമിഷന്‍ ആരംഭിച്ച പച്ചമലയാളം, അച്ഛീ ഹിന്ദി, ഗുഡ് ഇംഗ്ലീഷ് കോഴ്‌സുകളുടെ രണ്ടാംബാച്ചില്‍ 5068 പേര്‍ പരീക്ഷയെഴുതി. 2018 ഫെബ്രുവരി മാസത്തില്‍ ആരംഭിച്ച ആദ്യ ബാച്ചുമായി താരതമ്യം ചെയ്യുമ്പോള്‍ പരീക്ഷയെഴുതിയവരുടെ എണ്ണത്തില്‍ വലിയ വര്‍ധനവാണ് ഉണ്ടായിരിക്കുന്നത്. മൂന്നു കോഴ്‌സുകളിലുമായി മൊത്തം 2018 പേരാണ് ആദ്യബാച്ചില്‍ പരീക്ഷ എഴുതിയത്. രണ്ടാം ബാച്ചില്‍ ഗുഡ് ഇംഗ്ലീഷ് – 3790, പച്ചമലയാളം – 806, അച്ഛീ ഹിന്ദി-

തിരുവനന്തപുരം: മലയാളത്തിന്റെ മധുരം നുകരാന്‍ ഒരേ ക്ലാസില്‍ പഠിച്ച ചേച്ചിയും അനിയനും പരീക്ഷ എഴുതിയതും ഒരുമിച്ച്. പട്ടം കെവി സ്‌കൂളിലെ 12-ാം ക്ലാസുകാരിയായ കൃഷ്ണയും എട്ടാം ക്ലാസുകാരനായ അനിയന്‍ എം അതുലുമാണ് സാക്ഷരതാ മിഷന്റെ പച്ചമലയാളം കോഴ്‌സ് പഠിച്ച് ഒരുമിച്ച് പരീക്ഷയെഴുതിയത്. സ്‌കൂളില്‍ മലയാളം പഠിപ്പിക്കുന്നത് ആറുമുതല്‍ എട്ടുവരെ ക്ലാസുകളിലാണ്. നാലുമാസം മുമ്പുവരെ മലയാളം ശരിക്കും അറിയില്ലായിരുന്നു. ഇപ്പോള്‍ നന്നായി എഴുതാനും വായിക്കാനും പഠിച്ചു. ആദ്യമെത്തിയത് കൃഷ്ണയാണ്. ചേച്ചി നന്നായി മലയാളം പഠിച്ചപ്പോള്‍ അനിയനും കൂടെയെത്തി. ഇരുവരും

തിരുവനന്തപുരം: ” ഉള്ളിലുറങ്ങിക്കടന്ന അപരവ്യക്തിത്വം മാത്രമല്ല ലിംഗമാറ്റശത്രക്രിയയിലൂടെ ഞങ്ങള്‍ തിരിച്ചുപിടിച്ചത്. ഞങ്ങള്‍ വ്യത്യസ്തരല്ല; വ്യക്തിത്വമുള്ളവര്‍. സാക്ഷരതാമിഷനാണ് ഇന്ന് ഈ വേദിയില്‍ ഉറച്ച് നിന്ന് ഇതല്ലാം ഉറക്കെ വിളിച്ചു പറയാന്‍ ഞങ്ങളെ പ്രാപ്തരാക്കിയത്. എന്തെല്ലാം അവഹേളനങ്ങളാണ് സ്വന്തം കുടുംബത്തില്‍ നിന്നുപോലും ഞങ്ങള്‍ക്കു അനുഭവിക്കേണ്ടിവന്നത്. ഇപ്പോള്‍ ഞങ്ങളെ പൊതുസമൂഹം അംഗീകരിക്കുന്നു. വിവാഹം കഴിച്ച് സാധാരണ മനുഷ്യരെപ്പോലെ അന്തസ്സായി ജീവിക്കുന്നു.”- ഇടുക്കിയില്‍ നിന്നുള്ള ട്രാന്‍സ്‌ജെന്‍ഡര്‍ ബോബി ജോസിന് വികാരത്തള്ളിച്ചയില്‍ സ്വരമിടറി. സാക്ഷരതാമിഷന്റെ ട്രാന്‍സ്‌ജെന്‍ഡര്‍ തുടര്‍വിദ്യാഭ്യാസ പദ്ധതിയായ ‘സമന്വയ’ യില്‍ പത്താംതരം തുല്യത

തിരുവനന്തപുരം: അമേരിക്കയില്‍ ചക്കയില്ലാത്തത് എന്തുകൊണ്ട്?. തണുപ്പുള്ള അവിടൊക്കെ പ്ലാവെങ്ങനെ സാറേ…, വയനാട് പൂതാടിയില്‍ താണിക്കുന്ന് കോളനിയിലെ സിനിയുടെ മറുചോദ്യം കേട്ട് മന്ത്രി സി.രവീന്ദ്രനാഥ് ആദ്യമൊന്ന് ഞെട്ടി. പിന്നെ, അനുമോദനത്തിന്റെ കരസ്പര്‍ശം. സാക്ഷരതാമിഷന്റെ ആദിവാസി സാക്ഷരത-തുല്യതാ പദ്ധതിയായ ‘സമഗ്ര’ ഇന്‍സ്ട്രക്ടര്‍മാര്‍ക്കായി തൈയ്ക്കാട് പി.ഡബ്ല്യു.ഡി. റസ്റ്റ് ഹൗസില്‍ സംഘടിപ്പിച്ച പരിശീലന പരിപാടിയിലേക്ക് ഇന്നലെ ഉച്ചയോടെയാണ് മന്ത്രി ആകസ്മികമായെത്തിയത്. ആദിവാസി ഇന്‍സ്ട്രക്ടര്‍മാര്‍ക്ക് നാലാംതരം, ഏഴാംതരം പാഠപുസ്തകങ്ങളിലായിരുന്നു പരിശീലനം. ഏഴാം തരത്തിലെ അടിസ്ഥാനശാത്രം പാഠപുസ്തകത്തിലെ ‘നമ്മുടെ ആരോഗ്യം എന്ന പാഠഭാഗത്തെ അധികരിച്ച് രവീന്ദ്രനാഥ്

പഠിതാക്കള്‍ 8500, പഠനകേന്ദ്രങ്ങള്‍ 500 തിരുവനന്തപുരം: . അവശേഷിക്കുന്ന നിരക്ഷരരെ കണ്ടെത്തി സാക്ഷരരാക്കുക, തുടര്‍വിദ്യാഭ്യാസം നല്‍കുക തുടങ്ങിയ ലക്ഷ്യങ്ങളോടെ സംസ്ഥാന സാക്ഷരതാമിഷന്‍ നഗരസഭയുമായി സഹകരിച്ച് നടപ്പിലാക്കുന്ന ‘അക്ഷരശ്രീ’ പദ്ധതിയില്‍ ക്ലാസുകള്‍ ഇന്ന് (15, വെള്ളി)തുടങ്ങും. സാക്ഷരത മുതല്‍ ഹയര്‍സെക്കന്‍ഡറി തുല്യതവരെയുള്ള വിഭാഗങ്ങളില്‍ രജിസ്റ്റര്‍ ചെയ്തിട്ടുള്ള 8500 പഠിതാക്കള്‍ നഗരത്തിലെ 100 വാര്‍ഡുകളിലായി ക്രമീകരിച്ചിരിക്കുന്ന 500 പഠനകേന്ദ്രങ്ങളിലാണ് ക്ലാസുകള്‍ സജീകരിച്ചിരിക്കുന്നത്. സാക്ഷരതയ്ക്ക് 100, വിവിധ തുല്യതാ കോഴ്‌സുകള്‍ക്കുള്ള നാലാംതരം 200, ഏഴാംതരം 300, പത്താംതരം 180, ഹയര്‍ സെക്കന്‍ഡറി

നഗരം ഒരുങ്ങി; അക്ഷരവിപ്ലവത്തിന് നഗരസഭയില്‍ അക്ഷരശ്രീ ഓഫീസ് തുറന്നു തിരുവനന്തപുരം: സമ്പൂര്‍ണ സാക്ഷരതായജ്ഞത്തിനു ശേഷം നഗരം മറ്റൊരു അക്ഷരവിപ്ലവത്തിന്. അവശേഷിക്കുന്ന നിരക്ഷരരെ കണ്ടെത്തി സാക്ഷരരാക്കുക, തുടര്‍വിദ്യാഭ്യാസം നല്‍കുക തുടങ്ങിയ ലക്ഷ്യങ്ങളോടെ സംസ്ഥാന സാക്ഷരതാമിഷന്‍ നഗരസഭയുമായി സഹകരിച്ച് നടപ്പിലാക്കുന്ന ‘അക്ഷരശ്രീ’ പദ്ധതിയില്‍ ക്ലാസുകള്‍ മാര്‍ച്ച് 15ന് തുടങ്ങും. പദ്ധതി നടത്തിപ്പിനായി നഗരസഭയില്‍ അക്ഷരശ്രീ ഓഫീസ് തുറന്നു. മേയര്‍ വി.കെ.പ്രശാന്ത് ഉദ്ഘാടനം ചെയ്തു. സാക്ഷരത മുതല്‍ ഹയര്‍സെക്കന്‍ഡറി തുല്യതവരെയുള്ള വിഭാഗങ്ങളില്‍ രജിസ്റ്റര്‍ ചെയ്തിട്ടുള്ള 8500 പഠിതാക്കള്‍ നഗരത്തിലെ 100 വാര്‍ഡുകളിലായി

തിരുവനന്തപുരം: നിരക്ഷരതയുടെ തുരുത്തുകളിലേക്ക് അറിവന്റെ നറുവെളിച്ചമെത്തിക്കാന്‍ പുതിയ പദ്ധതിയുമായി സംസ്ഥാന സാക്ഷരതാമിഷന്‍. സംസ്ഥാന സര്‍ക്കാരിന്റെ 1000 ദിനങ്ങളുടെ ആഘോഷങ്ങളുടെ ഭാഗമായി തുടക്കം കുറിക്കുന്ന 1000 പദ്ധതികളിലൊന്നാണിത്. പദ്ധതിയുടെ സംസ്ഥാനതല ഉദ്ഘാടനം തൃശൂരില്‍ വിദ്യാഭ്യാസവകുപ്പ് മന്ത്രി സ.രവീന്ദ്രനാഥ് നിര്‍വഹിച്ചു. ഓരോ തദ്ദേശസ്വയംഭരണ സ്ഥാപനത്തിലും വിദ്യാഭ്യാസത്തില്‍ ഏറ്റവും പിന്നാക്കം നില്‍ക്കുന്ന സംസ്ഥാനത്തെ 2000 കോളനികളാണ് പദ്ധതിക്കായി തിരഞ്ഞെടുക്കുന്നത്. ഒരു കോളനിയില്‍ നിന്നും ഏറ്റവും കുറഞ്ഞത് 25 പേരെ സാക്ഷരരാക്കും. 2000 കോളനികളില്‍ നിന്നും 50000 പേരെ സാക്ഷരരാക്കാനാണ് പദ്ധതി ലക്ഷ്യമിടുന്നത്.