വാര്‍ത്തകള്‍

സാക്ഷരതാ തുടര്‍വിദ്യാഭ്യാസത്തിനായി ഒന്‍പതു വര്‍ഷമായി സംസ്ഥാന സാക്ഷരതാമിഷന് ലഭ്യമാകാതിരുന്ന കേന്ദ്രഫണ്ട് ഇനി ലഭിക്കും. കേന്ദ്ര മാനവ വിഭവശേഷി വകുപ്പ് മന്ത്രി പ്രകാശ് ജാവേദ്കറും കേന്ദ്ര സ്‌കൂള്‍ വിദ്യാഭ്യാസ സാക്ഷരതാ വകുപ്പ് സെക്രട്ടറി റീന റേയുമായി സാക്ഷരതാമിഷന്‍ ഡയറക്ടര്‍ ഡോ.പി.എസ്.ശ്രീകല നടത്തിയ ചര്‍ച്ചയിലാണ് തീരുമാനം. കേന്ദ്ര സര്‍ക്കാരിന്റെ പ്രത്യേക ക്ഷണമനുസരിച്ചാണ് സാക്ഷരതാമിഷന്‍ ഡയറക്ടര്‍ പുതിയ സാക്ഷരതാ സ്‌കീം സംബന്ധിച്ച ചര്‍ച്ചയില്‍ പങ്കെടുത്തത്. നീതി ആയോഗിന്റെ നിര്‍ദ്ദേശമനുസരിച്ചാണ് കേരളത്തെ പ്രത്യേകം ക്ഷണിച്ചതെന്ന് യോഗത്തില്‍ സെക്രട്ടറി റീന റേ അറിയിച്ചു. കേന്ദ്ര

അവശേഷിക്കുന്ന നിരക്ഷരരെ കണ്ടെത്തി സാക്ഷരരാക്കുക, തുടര്‍വിദ്യാഭ്യാസം നല്‍കുക തുടങ്ങിയ ലക്ഷ്യങ്ങളോടെ സംസ്ഥാന സാക്ഷരതാമിഷന്‍ നഗരസഭയുമായി സഹകരിച്ച് നടപ്പിലാക്കുന്ന ‘അക്ഷരശ്രീ’ പദ്ധതിയുടെ ഭാഗമായി നടത്തിയ സര്‍വേ ഫലം പുറത്തുവന്നപ്പോള്‍  നഗരത്തിലെ നിരക്ഷരരുടെ എണ്ണം 11,764. നിരക്ഷരരില്‍ ഭൂരിഭാഗവും സ്ത്രീകളാണ്. 7256 പേര്‍. നിരക്ഷരരില്‍ 1175 പേര്‍ പട്ടികജാതി വിഭാഗത്തിലുള്ളവരാണ്. 147 പേര്‍ പട്ടികവര്‍ഗവിഭാഗവും. ബീമാപ്പള്ളി വാര്‍ഡിലാണ് ഏറ്റവും കൂടുതല്‍ നിരക്ഷരരെ കണ്ടെത്തിയത്. 755 പേര്‍. ഇതില്‍ 426 പേര്‍ സ്ത്രീകളും 339 പേര്‍ പുരുഷന്‍മാരുമാണ്.  തീരദേശ വാര്‍ഡുകളിലാണ് നിരക്ഷരത

 ശുചീകരണത്തില്‍ സജീവമായി ആദിവാസികളും തിരുവനന്തപുരം: സാക്ഷരതാമിഷന്‍റെ തുല്യത പഠിതാക്കളും ഇന്‍സ്ട്രക്ടര്‍മാരും ഉള്‍പ്പെടുന്ന 1055 വൊളന്‍റിയര്‍മാര്‍ പ്രളയം മലിനമാക്കിയ കുട്ടനാട്ടില്‍ ശുചീകരണ പ്രവര്‍ത്തനങ്ങള്‍ നടത്തി. വൊളന്‍റിയര്‍മാരില്‍ 26 പേര്‍ വയനാട്ടില്‍ നിന്നുള്ള ആദിവാസി വിഭാഗത്തില്‍പ്പെട്ട പഠിതാക്കളും ഇന്‍സ്ട്രക്ടര്‍മാരുമാണ്. നെടുമുടി, തലവടി, തകഴി, പുളിങ്കുന്ന്, രാമങ്കരി തുടങ്ങിയ ഗ്രാമപഞ്ചയത്തുകളിലെ വീടുകള്‍, ഓഫീസുകള്‍, വിദ്യാലയങ്ങള്‍, വഴിയോരങ്ങള്‍ എന്നിവിടങ്ങളിലെല്ലാം ശുചീകരണ പ്രവര്‍ത്തനങ്ങള്‍ നടത്തി. മലപ്പുറത്ത് നിന്നെത്തിയ ഇന്‍സ്ട്രക്ടര്‍മാരും പഠിതാക്കളും കാവാലം പ്രദേശത്തുള്ള വീടുകളിലും സ്കൂളുകളിലും ശുചീകരണം നടത്തി. വയനാട്ടില്‍ നിന്നെത്തിയ വൊളന്‍റിയര്‍മാരില്‍ ഭൂരിഭാഗവും

മുഖ്യമന്ത്രിയുടെ ദുരിതാശ്വാസ നിധിയിലേക്ക് സാക്ഷരതാമിഷന്‍ ജീവനക്കാരില്‍ നിന്നും പ്രേരക്മാരില്‍ നിന്നും സമാഹരിച്ച 8,54,099 രൂപയുടെ ചെക്ക് മുഖ്യമന്ത്രി പിണറായി വിജയന് സാക്ഷരതാമിഷന്‍ ഡയറക്ടര്‍ ഡോ.പി.എസ്.ശ്രീകല കൈമാറുന്നു. വിദ്യാഭ്യാസവകുപ്പ് മന്ത്രി പ്രൊഫ. സി.രവീന്ദ്രനാഥ് സമീപം

തിരുവനന്തപുരം: നടി മഞ്ജുവാര്യർ സാക്ഷരതാമിഷന്‍ ഗുഡ്‌വിൽ അംബാസിഡറാകും. പല കാരണങ്ങളാല്‍ ഔപചാരിക വിദ്യാഭ്യാസം നേടാന്‍ ഭാഗ്യം ലഭിക്കാതെ പോയവര്‍ക്ക് അക്ഷരത്തിന്‍റെ വെളിച്ചമൊരുക്കുകയാണ് സാക്ഷരതാമിഷന്‍ ചെയ്യുന്നത്. പാര്‍ശ്വവല്‍ക്കരിക്കപ്പെട്ട നിരവധി മനുഷ്യരെ മുഖ്യധാരയിലേക്ക് കൊണ്ടുവരാന്‍ സാക്ഷരതാമിഷന്റെ പ്രവര്‍ത്തനങ്ങള്‍ക്ക് സാധിക്കുന്നുവെന്ന് കരുതുന്നതായി മഞ്ജുവാര്യര്‍ പറഞ്ഞു. ഔദ്യോഗികമായി സമ്പൂര്‍ണ്ണ സാക്ഷരത നേടിയെങ്കിലും സംസ്ഥാനത്തിന്‍റെ പല ഭാഗത്തും നിരക്ഷരത നിലനില്‍ക്കുന്നുണ്ടെന്ന് മനസിലാക്കി സാക്ഷരതാമിഷന്‍ അതോറിറ്റിയുടെ നേതൃത്വത്തില്‍ നടത്തി വരുന്ന എല്ലാ പ്രവര്‍ത്തനങ്ങള്‍ക്കും തന്റെ പിന്തുണയുണ്ടാകുമെന്നും മഞ്ജു പറഞ്ഞു.        

തിരുവനന്തപുരം: സംസ്ഥാനത്ത് പരിപൂര്‍ണ സാക്ഷരത നടപ്പിലാക്കുകയെന്ന ലക്ഷ്യത്തോടെ സംസ്ഥാന സാക്ഷരതാമിഷന്‍ ആവിഷ്കരിച്ച ‘അക്ഷരലക്ഷം’ പദ്ധതിയുടെ ആദ്യഘട്ടത്തില്‍ സംസ്ഥാനത്ത് 40440 പേര്‍ പരീക്ഷയെഴുതി. സംസ്ഥാനത്തെ വിവിധ ജയിലുകളിലായി 80 തടവുകാരും പരീക്ഷയെഴുതിയവരില്‍ ഉള്‍പ്പെടുന്നു. പാലക്കാട് ജില്ലയിലാണ് ഏറ്റവും കൂടുതല്‍ പേര്‍ പരീക്ഷയെഴുതിയത്. 11,683 പേര്‍. പട്ടികജാതി വിഭാഗത്തില്‍ നിന്നും 2420 പേരും പട്ടികവര്‍ഗ വിഭാഗത്തില്‍ നിന്ന് 946 പേരും പരീക്ഷയെഴുതി. പരീക്ഷയെഴുതിയവരുടെ പ്രായം തിരിച്ചുള്ള കണക്ക് ഇപ്രകാരമാണ്. 35നു താഴെ 3604, 35നും 60നും ഇടയില്‍ 36,0112, 60നു

  തിരുവനന്തപുരം: സംസ്ഥാന സാക്ഷരതാമിഷന്‍ അട്ടപ്പാടിയില്‍ നടത്തിവരുന്ന പ്രത്യേക സാക്ഷരത- തുല്യതാ പദ്ധതിയില്‍ മൊത്തം 2624 പേര്‍ സാക്ഷരത പരീക്ഷയെഴുതി.ഇതില്‍ 2003 പേര്‍ സ്ത്രീകളാണ്. കുറവന്‍കണ്ടി ഊരിലെ ചെല്ലിയാണ് (89) പരീക്ഷയെഴുതിയവരില്‍ ഏറ്റവും പ്രായംകൂടിയത്. ചേരമാന്‍കണ്ടി ഊരിലെ പത്തൊമ്പതുകാരി കാര്‍ത്തിയാണ് ഏറ്റവും പ്രയാം കുറഞ്ഞത്. അട്ടപ്പാടി ബ്ലോക്കിലെ മൊത്തം മൂന്ന് ഗ്രാമപഞ്ചായത്തുകളായ അഗളി, ഷോളയൂര്‍,പുത്തൂര്‍ എന്നിവിടങ്ങളിലെ 138 കേന്ദ്രങ്ങളിലായിരുന്നു സാക്ഷരത പരീക്ഷ നടത്തിയത്. മൂന്നു ഗ്രാമപഞ്ചായത്തുകളിലെ മൊത്തം 129 ഊരുകളിലായി കഴിഞ്ഞ ഡിസംബറിലായിരുന്നു സാക്ഷരത ക്ലാസ് ആരംഭിച്ചത്.